Спортски комбинации од нашите брендови- прв дел
Знаеме сите дека во секојдневната мода најлесно и најбрзо се менуваат трендовите. Желбата за експериментирање и изнаоѓање нови начини на себеизразување преку облеката ги зголемува апетитите и потребите на сите нас да го освежуваме ормарот со нови идеи и нови парчиња. Инспирирани од почетокот на пролетта, сончевите денови, преполните паркови и продолжените викенди кои ни доаѓаат овој пат се решивме да ви предложиме спортски варијанти од нашите бендови.
Најголем тренд во моментов се спортските шик варијанти, со парчиња облека за џогирање или вежбање, прилагодени во секодјневниот стил, под влијание на модата од 80тите. Еднобојни комплети, хеланки или панталони со ластик, работнички комбилизони, панталони за џогирање, блузони или интересни памучни маички.
Доколку вашата работа бара од вас да во текот на неделата бидете “облечени-средени” за време на викендот ќе можете да се релаксирате ако носите нешто во кое вие ќе се чувствувате најпријатно и удобно.
Ако не сте спортски тип, тогаш сигурно сте тип кој сака да патува. Па, ние ви предлагаме парчиња за на пат во кои вие ќе се чувствувате совршено удобно. Со омилениот пар фармерки или панталони може да се вклопите бела поло кошула или палто и патики.
Секако секоја комбинација може да ја направите спортска со додавање на патики. Високата мода веќе со месеци ги меша поимите за модерно и удобно, па претпоставуваме дека и овој пролетен тренд уште од минатата година е тренд во кој сите се вљубија. Спортските патики вклучени во секоја комбинација.
Ние решивме да направиме поголем број на спортски предлози во кои ќе може да се пронајде секој од нас.