Ова е дефинтивно периодот кога престануваме да зборуваме за трендовите од 2016та година, омиленте бои во 2016та или највпечатливите моменти од 2016та, а наместо тоа се фокусираме на новите почетоци. Пролетта и сончевите денови се на прагот, па полека треба да почнеме да ги распакуваме пролетно-летните алишта.

Со крајот на годината едно модно поглавје се затвора, а друго се отвара. Изминатата 2016 година, беше една од најдобрите години за уличната мода, а изгледа дека и идната година ќе продолжат да се развиваат тие трендови. Кога зборуваме за мода знаеме дека инспирација можеме да најдеме насекаде.

Сигурно веќе сте ги погледнале светските модни трендови за пролет/лето 2017 година и она кое со сигурност можеме да го заклучиме е дека не очекуваат шарени денови со многу смели комбинации од впечатливи бои.

Ние решивме овој пат да ви предложиме парчиња обоени во боите кои ги налагаат светските трендови кои можете да си ги купите во нашите продавници. А боите кои се трендовски оваа сезона се комбинираат буквално со се.

Кобалтна жолта

Многу, многу жолта боја. Жолта боја насекаде околу нас, а и зошто да не. Жолтата боја сите нас не асоцира на убави, сончеви и среќни денови. Лесно се комбинира со индиго сина, а и сите други нијанси на сина боја. Парчињата во овие нијанси никого не оставаат рамнодушен.

Алово црвена

Црвената боја отсекогаш се сметала за боја на жената, па затоа оваа година изгледајте како вистинска дама. Најљубовната боја од сите, зошто да не ни започне оваа пролет со црвената боја. Нијанса помеѓу силно црвена и портокалова боја. Прекрасно се комбинира со тегет, а за посмелите дами со небесно сина боја.

Металик

Секаков вид на металик нијанси розе, сребрено, златно. Впечатливи бои во кои ќе блескате во секое време од денот. Оваа сезона металик се носи во секоја прилика и наутро и навечер.