"Cropped" панталони - модниот тренд кој ги освои светските метрополи
Секоја нова сезона е препознатлива и се карактеризира со некаква модна новина. Оваа есен како клучно парче се ‘cropped’ панталоните кои можеме да ги пронајдеме во голем број од светските модни брендови. Карактеристични по својот уникатен крој, висок струк, должина над глуждови и ѕвонести ногавици, cropped панталоните доловуваат уникатен моден стајлинг.
Во овој моден едиторијал за вас подготвивме неколку стилски совети како да ги комбинирате и носите ‘cropped’ панталоните.
Следејќи ги модните совети на MAX&CO, кој ги комбинира панталоните до глуждот со мега трендот сандала+чорапи, до WEEKEND MAX MARA кој му дава акцент на межествено-женствениот стајлинг, можеме да заклучиме дека ова лесно трансформирачко парче е must-have за оваа сезона.
Во прилог, ви претставуваме три начини како да го носите трендот.
1.Cropped панталони во комбинација со окфорд чевли
Оксфорд чевлите се формални машки чевли, кои неодамна станаа неизоставен дел од женскиот аутфит насекаде во светот. Инспирирани од брзиот подем на овие чевли, групацијата MAX MARA вешто ги комбинира и оваа сезона во комбинација со “нивното височество” – cropped панталоните.
Кога станува збор за експериментирањето во боите и стиловите, бидете што е можно по храбри.
2.Cropped панталони во комбинација со високи потпетици
Магијата во оваа стилска комбинација се крие во волуменизниот и широк крој на cropped панталоните од една страна, и моќта на потпетицата визуелно да ја истенчи и издолжи вашата силуетоа, од друга страна.
Класична салонка или чизма до глужд на потпетица во комбинација со cropped панталоните се одличен моден погодок и за дневните, и за вечерните часови.
3.Cropped панталони во комбинација со сандали
Направете храбар чекор во есента со ексцентричниот моден тренд кој претставува стилска комбинација од чорапа и сандала (одобрен од сестрите Олсен) и исечени панталони.
Совршена за раната есен, оваа стилска комбинација ја достигна својата популарност како резултат на подемот на уличниот стил, кој пак е главна инспирација на модните куќи ширум светот да излезат од рамката на конвенционалност и комформизам и да ја црпат својата инспирација назад во 80 тите.